Հարգելի գործընկերներ,
Հաշվի առնելով այն հանգամանքը, որ Ազգային ժողովում քննարկվող “Դեղերի մասին” նոր օրենքի համաձայն Հայաստանում դեղերի գրանցման փաստաթղթերի փաթեթը պետք է ներկայացվի համընդհանուր տեխնիկական փաստաթղթի ձևաչափով (ՍիԹիԴի/CTD), առաջարկվում է այսուհետ նոր գրանցման հայտերի դոսյեները կազմելու ժամանակ առաջնորդվել կցված ցանկով (Հավելված 1) և ուղեցույցով (Հավելված 2): Այս տրամաբանական կառուցվածք ունեցող ձևաչափի կիրառումը ոչ միայն բարձրացնում է փորձաքննության արդյունավետությունը և թափանցիկությունը, այլ նաև նպաստում անվտանգ, որակյալ և արդյունավետ դեղերի գրանցմանը` առանձնացված բաժիններում ապահովելով ինչպես վերջնական արտադրանքի, այնպես էլ ակտիվ և օժանդակ բաղադրամասերի վերաբերյալ մանրամասն փաստաթղթավորված տվյալների ներկայացում: Նմանատիպ կառուցվածք է նախատեսվում նաև Եվրասիական տնտեսական միության շրջանակներում դեղերի գրանցման համար ներկայացվող փաստաթղթերի համար:
