Հարգելի գործընկերներ,
Ի կատարումն ՀՀ առողջապահության նախարարի 2025 թվականի հունիսի 24-ի № 3785-Ա հրամանի մինչև գրանցամատյանում փոփոխություններ կատարելը ներկայացնում ենք ազգային օրենսդրության համաձայն տրամադրված գրանցման հավաստագրերի ժամկետները 2025 թվականի դեկտեմբերի 31-ից հետո երկարաձգելու վերաբերյալ տեղեկատվություն: Կից աղյուսակի Code սյունակում նշված թվերը մեկնաբանել հետևյալ կերպ
«1» - երկարաձգվում է մինչև փորձաքննության ավարտը, բայց ոչ ավել քան 3 տարի հայտը ընդունելու ամսաթվից, եթե ռեֆերենտ երկիր է հանդիսանում Հայաստանի Հանրապետությունը
«2» - երկարաձգվում է մինչև Հայաստանի Հանրապետությունում փոխադարձ ճանաչման նպատակով փորձաքննության ավարտը, բայց ոչ ավել քան 2 տարի 01.01.2026-ից հաշվարկված, եթե ռեֆերենտ երկրիր է հանդիսանում ԵԱՏՄ անդամ որևէ պետություն, և համապատասխանեցման գործընթացը ավարտվել է, իսկ Հայաստանի Հանրապետությունը նշված է հայտում, որպես ճանաչող երկիր.
«3» - երկարաձգվում է մինչև Հայաստանի Հանրապետությունում փոխադարձ ճանաչման նպատակով փորձաքննության ավարտը, բայց ոչ ավել քան 5 տարի, եթե ռեֆերենտ երկիր է հանդիսանում ԵԱՏՄ այլ անդամ պետություն, և 2025 թվականի դեկտեմբերի 31-ի դրությամբ համապատասխանեցումը չի ավարտվել, իսկ Հայաստանի Հանրապետությունը նշված է հայտում, որպես ճանաչող երկիր՝ 3 տարի ռեֆերենտ երկրում փորձաքննության համար՝ հաշվարկված հայտը ընդունելու ամսաթվից և ևս 2 տարի ՀՀ-ում ճանաչելու նպատակով:
«4» - Հայաստանի Հանրապետության օրենսդրության համաձայն գրանցված մարդու օգտագործման այն դեղերի գրանցման հավաստագրերը, որոնց գրանցման փաստաթղթերը ԵԱՏՄ կանոններին համապատասխանեցման հայտերը մինչև 2025 թվականի դեկտեմբերի 31-ը ներառյալ չեն ներկայացվել, գործողության մեջ պահվում են մինչև հավաստագրերում նշված ժամկետների ավարտը՝ առանց հետգրանցումային փոփոխությունների կամ վերագրանցման կամ հավաստագրի ժամկետի երկարաձգման կամ ԵԱՏՄ կանոններին համապատասխանեցման հայտեր ներկայացնելու հնարավորության։
Կից առանձին աղյուսակով ներկայացվում է 01.10.2025 թ դրությամբ ՀՀ դեղերի գրանցամատյանում առկա դեղերի պետական գրանցման հավաստագրերի ժամկետների երկարաձգման տարբերակներ:
Ծանուցում:
§ Աղյուսակում ընդգրկվել են ԵԱՏՄ անդամ երկրների առ 31.09.2025 առկա տվյալները:
§ Ղազախստանի Հանրապետությունից ստացված տվյալները ամբողջական չեն և նշվել են КЗ տառերով:
§ Աղյուսակը թարմացվելու է առ 01.11.2025, 01.12.2025, 31.12.2025 տվյալներով և պարբերաբար հրապարակվելու է:
§ Եթե ազգային գրանցման հավաստագրի ժամկետը ավելի երկար է քան ԵԱՏՄ ընթացակարգի համար նախատեսված ժամկետը, ապա ԵԱՏՄ ընթացակարգը չիրականացնելու դեպքում ազգային գրանցման հավաստագրի ժամկետը կմնա ուժի մեջ:
 Բեռնել | [Հավաստագրերի երկարաձգման ժամկետների վերաբերյալ] |