Տպել 

asdsadsadsadsad

Հիդրօքսիէթիլ օսլա, կաթիլաներարկման լուծույթ:  Ծայրահեղ ծանր վիճակում գտնվող կամ սեպսիսով պացիենտների շրջանում երիկամային անբավարարության և մահացության վտանգ:

Հարգելի բուժաշխատող,

Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոնը (այսուհետ՝ Դեղերի փորձագիտական կենտրոն) հիշեցնում է, որ անհրաժեշտ է սահմանափակել հիդրօքսիէթիլ օսլայի կիրառումը և այն օգտագործել միայն սուր արյունահոսության հետևանքով առաջացած ջրազրկման դեպքում, երբ միայն կրիստալոիդների կիրառումը նպատակահարմար չէ՝ հաշվի առնելով կիրառման հրահանգում տրված զգուշացումները և հակացուցումները:

 

Հակացուցումների ամբողջական ցանկը ներկայացված է կիրառման հրահանգում: Դրանցից մի քանիսն են ՝

 Դեռևս  2013 թվականին իրականացված լայնածավալ կլինիկական հետազոտության արդյունքները ցույց են տվել, որ սեպսիսով կամ ծայրահեղ ծանր վիճակում գտնվող պացիենտների շրջանում հիդրօքսիէթիլ օսլայի կաթիլաներարկման լուծույթի  կիրառումը մեծացնում է երիկամային անբավարարության և մահացության զարգացման վտանգը: Չնայած այդ փաստին, դիտարկումները ցույց են տվել, որ  չի պահպանվում  լուծույթի  պատշաճ՝ հակացուցումներին համապատասխան կիրառումը՝  արդյունքում մեծացնելով հիդրօքսիէթիլ օսլա պարունակող լուծույթների կիրառման հետևանքով զարգացող հնարավոր վտանգը:

Հաշվի առնելով վերոնշյալը, բուժաշխատողներին խորհուրդ է տրվում կիրառել հիդրօքսիէթիլ օսլա պարունակող լուծույթները՝ խստագույնս առաջնորդվելով կիրառման հրահանգով,  քանի որ այդ լուծույթների ոչ պատշաճ կիրառումը կարող է հանգեցնել պացիենտի համար լուրջ վտանգի՝ ընդհուպ մինչև մահվան: Բացի այդ, անհրաժեշտ է հիշել, որ հիդրօքսիէթիլ օսլա պարունակող լուծույթները պետք է կիրառել նվազագույն արդյունավետ դեղաչափով (< 30մլ/կգ) հնարավորինս կարճ ժամկետով (< 24 ժամ): Բուժման ողջ ընթացքում անհրաժեշտ է իրականացնել պացիենտի հեմոդինամիկայի մոնիտորինգ՝ ցանկալի ցուցանիշներին հասնելու դեպքում լուծույթի կիրառումն անմիջապես դադարեցնելու նպատակով:

Հիշեցում

Առողջապահության ոլորտի մասնագետները, օրենքով սահմանված կարգի համաձայն, պետք է տեղեկացնեն Դեղերի փորձագիտական կենտրոնին  դեղերի ցանկացած կողմնակի ազդեցության դեպքի զարգացման մասին՝   հետևյալ  եղանակներով՝