2025 թվականի հունիսի 21-25, ՌԴ Առողջապահության ոլորտում հսկողության դաշնային ծառայության և վերջինիս ենթակայության փորձագիտական կենտրոնի ФГБУ «ВНИИИМТ» նախաձեռնությամբ տեղի ունեցավ ԵԱՏՄ անդամ երկրներում բժշկական արտադրատեսակների շրջանառության ոլորտում գործող փորձագիտական համայնքը համախմբող աշխատանքային խմբի առաջին՝ հիմնադիր աշխատաժողովը։ 

Աշխատակարգի համաձայնեցումից զատ քննարկվեցին ԵԱՏՄ միասնական կարգավորման ձևավորմանը խոչընդոտող մի շարք հարցեր և պլանավորվեցին առաջիկա աշխատանքները։ 

Ընդունող կողմի կազմած հագեցած աշխատանքային և մշակույթային ծրագիրը, հատկապես կարևոր էր փորձի և գիտելիքների փոխանակման և առողջ աշխատանքային միջավայրի ձևավորման տեսանկյունից։ 

Համոզված ենք, որ փորձագիտական համայնքը մեծ ներդրում կունենա բժշկական արտադրատեսակների շրջանառության ոլորտում միասնական և միանման կարգավորման կայացման գործում։ 

Եվս մեկ անգամ, փորձագիտական կենտրոնի անունից մեր երախտագիտությունն ենք հայտնում հյուրընկալող կողմին, հատկապես ФГБУ «ВНИИИМТ» և ФГБУ «НИК» փորձագիտական կենտրոններին։