Հարգելի գործընկերներ

Տեղեկացնում ենք, որ 2025 թվականի ապրիլի 6-ին ուժի մեջ է մտել ՀՀ կառավարության 2025 թվականի մարտի 27-ի <<Դեղերի, բժշկական արտադրատեսակների և բուժական մեթոդների գովազդի թույլտվության տրամադրման կարգը, անհրաժեշտ փաստաթղթերի ցանկը, այդ գովազդին ներկայացվող պահանջները և դեղի գովազդային նյութի փորձաքննության կարգը սահմանելու մասին>> N 342-Ն որոշումը (https://www.pharm.am/index.php/am/2015-03-04-11-07-21/9769-2025-27-342):

Որոշման համաձայն, դեղի գովազդային նյութը նախապես ենթարկվում է փորձաքննության և համապատասխան եզրակացությունը ներկայացվում գովազդի թույլտվություն ստանալու նպատակով: Փորձաքննության ժամանակ  գնահատվում է գովազդային նյութի համապատասխանությունը «Դեղերի մասին» Հայաստանի Հանրապետության օրենքի 28-րդ հոդվածով սահմանված պահանջներին:

Նշենք նաև, որ նոր կարգավորումների համաձայն դեղերի, բժշկական արտադրատեսակների և բուժական մեթոդների գովազդի թույլտվություն տրամադրելու, իսկ դեղերի դեպքում նաև թույլտվության տրամադրման նպատակով իրականացվող փորձաքննության համար գանձվում է պետական տուրք (https://www.pharm.am/attachments/article/8785/State_duties_rates_2.pdf) :